【有谁知道动物界的四大天王（简称F4）是哪四种动物吗？？？】
动物界的“四大天王”狮、虎、豹、熊
乌鸦原本系白色嘅
500年前佢地其实系一家四兄弟，称霸晒整个动物界，外号四大天王。但系有一次，因为神要下凡来打9世人，四兄弟为左争住去迎接神，做神嘅“靓”，就反目成仇窝，佢地分别割地为王，乌蝇占天空，乌鸡占大地，乌贼就占海，乌鸦由于排行最细，所以势力最小，去到边度都比佢地虾，于是后尾就走左去一座山，叫做“一六山”，上面有一间好破烂嘅木屋，佢好伤心，见住之前好好感情嘅兄弟反目成仇，一喊就喊左7749日，晕死过去，当佢醒返果阵，发觉全身嘅毛都甩晒，成只光鸡咁样，而因为喊得太耐，已经讲唔到嘢啦，只可以“吖……吖”咁样叫。正当佢好绝望果阵，天边一束光射入来，神踏住光下凡来到佢面前，乌鸦惊讶到出唔到声，以为自己发紧梦。神着住一身好飘逸的丝质长袍，戴住一条头巾，对乌鸦讲：“你果几个兄弟见利忘义，我唔会收佢地做靓，而且仲要惩罚佢地，你以后就跟我揾食啦！”乌鸦见到好感动，即刻叩头感激神恩。呢个时候一阵风吹来，神头上的头巾吹走左，乌鸦见到，即刻飞扑去追，可惜佢身上已经无晒羽毛，飞唔起。神就话：“条头巾唔重要啦，最紧要知道你对我忠心，我就赐你一身黑羽毛啦，等你可以放低过去，重新开始。”于是摇手一边，乌鸦变成一身耀眼的黑羽毛，显得英气勃勃。跟住神一挥手，乌鸦就跟住佢向天上飞去。佢蓦然回头望左一下，见到果间木屋上面写住“紫星阁”三个字……
自此之后，乌鸦就开始跟住神揾食啦，至于佢个三个兄弟，就比神惩罚，乌蝇就只能够系低空飞，而且成日会比人拍；乌鸡就拧左去做白凤丸同埋煲汤；乌贼就变左做鱿鱼丝……
12生肖的四大天王是哪四大天王啊相关文章：